Davao City – Kumbinsido ang armadong kusog sa nasud nga tipik ug kabahin sa nationwide directive sa hut-ong sa Philippine communist left ngadto sa ilang mga ground commanders ang labing ulahing pagpang-atake nila ngadto sa usaka convoy sa mga operatiba sa Presidential Security Group (PSG) sa tri-boundary sa Davao, Bukidnon ug Arakan, North Cotabato.
Sa usa ka interview, gibatbat ni Brig.Gen. Gilbert Gapay, deputy commander sa Eastern Mindanao Command (EASTMINCOM) ug martial law spokesperson, klaro nga ang latest attack parte sa opensiba sa communist New People’s Army (NPA) agig direktang paghisupak sa gikasugyot nga extended martial law implementation.
Una niini, gihulagway ni Communist Party of the Philippines (CPP) founding chair Jose Ma. Sison nga ang posibleng national coverage sa balaud-militar ilang gikonsidera nga usa ka ‘declaration of war’ sa gobyerno kontra sa CPP/NPA/NDFP.
Subling nagpasidaan si Gapay ngadto sa ilang mga pwersa ilabi na kadtong mga ‘far-flung military camps and detachments’ nga doblehon o triplihon ang tagsa-tagsa nila ka mga seguridad gumikan sa bahad sa komunistang hut-ong nga i-intensify ang ilang pagpang-atake una pa man ang gikatakdang State of the Nation Address (SONA) ni Pres. Rodrigo Duterte karong Hulyo 24.
Kasamang June Duterte
