Padayon karon nga gi-monitor ug maayo sa Armed Forces of the Philippines (AFP) ang mga areas sa Cotabato, Maguindanao ug ang Zamboanga, Basilan ug Sulu diin posible pa ang impluwensya sa mga terorista.
Sa regular news briefing, gisugilon ni AFP spokesperson Maj. Gen. Restituto Padilla nga usa kini sa mga dakung rason nganong gilusad karon sa nasudnong kasundaluhan ang usaka ‘focused military operations’ haron pagseguro nga tapuson na sa hingpit ang katapusang gaway-gaway sa mga bandidong nihasi sa Marawi City.
Matud sa tigpamaba sa militar, partikular nga ilang gitutukan sa nasangpit nga mga lokalidad mao ang presensya sa hut-ong sa Bangsamoro Islamic Freedom Fighters (BIFF), Abu Sayyaf ug sa ilang mga kaalyados ug uban pang anaa sa ilang network kinsa nagtahag kanila ug protective cover, finances and logistics ug uban pang suporta.
Segun ni Padilla, nagpadayon gihapon ang ilang ‘clearing operations’ sa main battle area pinaagi sa pag-neutralisa sa nahibilin nga unexploded improvised explosive devices ug uban pang security threats.
RadyoMan June Duterte
