Davao City – Magpadayon lang gihapon nga magmabinantayon sa atong palibot ang katawhan ug i-report gilayon sa mga awtoridad kung dunay makit-ang mga bag-ong tawo sa ilang lugar lakip na ang mga ipangbilin nga mga butang.
Sumala ni Army Capt.Jerry Lamosao sa 10th Infantry Division, Philippine Army Spokesperson, gawas sa gipatuman nilang hugot nga pagbantay, nagpadayon usab ang ilang information dissemination sa mga tawo diha sa terminal ug uban pang mga lugar, kung unsay himoon aron malikay kini sa pagpangataki sa mga dautang elemento.
Samtang gipasalig usab ni Lamosao nga paningkamutan sa military ug kapulisan nga dili makalusot ang mga terorista sa syudad aron magpabuto ug bomba pinaagi sa pagtinabangay sa matag usa.
RadyoMaN Bernard Pantallon
