Davao City- Nitunol na karon ug ultimatum ang Armed Forces of the Philippines (AFP) ngadto sa nahibiling pwersa sa Maute bandit group nga motahan na sa ilang kaugalingon una pa man bigwasan ug maayo ang pudyot na lamang nga main battle area sa Marawi City.
Sa pakighinabi kaniya sa media, gisugilon ni Col. Romeo Brawner, deputy commander sa ‘Joint Task force Ranao’ nga nagapanghitabo na karon ang labing ulahing init nga binakbakay kun ‘intense fighting’ diin aduna na usay nakalas nga kinabuhi sa mga awtoridad.
Segun kang Brawner, gibakbakan na’g maayo karon sa bag-ong nangabot nga pwersa sa kasundaluhan gikan sa nagkadaiyang parte sa nasud kansang battle expertise mao ang urban fighting ilabi na aron alkontrahon ang gi-montar karon nga ‘defensive stronghold’ sa Maute group diin nag-stock sila sa dili basta-bastang firepower sama pananglit sa mga improvised explosive device kun IEDs sa ilang gikutaan ug gilumluman.
Lakip sa nahidangat sa main battle zone aron gyerahon ang Maute mao ang Light Reaction Regiment kinsa nagpahigayun sa turnover kagahapon.
Ang special elite units nabansay ug maayo sa klase-klaseng matang sa gubat ilabi na ang taktikang dala sa terorismo sama sa close quarter battle kun CQB.
Kasamang June Duterte
