Davao City – Wala pay listahan sa mga election watchlist areas kun EWAS ang kapulisan ingon man ang kasundaluhan dinhi sa syudad sa Davao.
Sumala ni Davao City Police Office (DCPO) spokesperson P/Sr. Insp. Ma. Teresita Gaspan nga ginaapabot pa nila sa pagkakaron ang rekomendasyon sa matag station commanders sa kung unsa nga mga barangay ilawom sa ilang ginsakpan ang adunay presensya sa lawless armed groups gani gikunsiderang kritikal.
Human niini, ipailawom kini sa validation sa DCPO uban ang Armed Foces of the Philippines (AFP) ug subject pa usab sa approval gikan sa Commission on Elections (Comelec).
“Sa pagkakaron, we expect some coordinating conference with the execom ang Armed Forces of the Philippines and the committee,” matud niini.
Gisugilon ni Gaspan nga pre-mature pa nga magdeklara og EWAS dinhi sa syudad ingon man sa kinatibuk-ang rehiyon sanglit sunod tuig pa ang midterm elections.
Samtang gibutyag sab ni 10th Infantry Division-Philippine Army spokesperson Capt. Jerry Lamosao nga wala pa silay listahan sa election watchlist ilawom sa ilang area of responsibility.
RadyoMaN Jason Amisola
