Sa interbyu sa DXDC RMN Davao kang Capt. Mark Anthony Tito, 10th ID spokesperson, gihaya na si Booc ug laing upat pa ka mga rebelde sa Lord Anthony Funeral Homes sa Montevista, Davao de Oro. Sumala ni Tito, wala pay membro sa pamilya ni Booc ang nikoordinar sa militar.
“We extend our sincerest condolences sa families sa lima ka mga fatalities, dili gyod namo ni gusto mahitabo ikapila nami nanawagan to surrender, however they still chose to continue their arm struggle maong nihantong ta diri. Right now naa ang ilahang mga haya sa Lord Anthony funeral homes sa Montevista, Davao de Oro. We are calling their families especially diha sa Cebu, among gipanawagan nga makuha na ang iyahang patayng lawas aron mahatagan nato siya’g desente ug maayo nga lubong,” matud niini.
Gitakdang ihatod sa AFP ngadto sa ilang mga pamilya ang patay’ng lawas nila Gelejurain Ngujo II, Alias ‘Tirso’ ug ‘Robert’.
Kahinumduman naneutralisa ang lima ka mga rebelde atol sa engkwentro tali 1001st Infantry Brigade sa Barangay Andap, New Bataan, Davao de Oro niadtong Pebrero 24, 2022.
RadyoMaN Aimee Guinita
