Davao City – Padayong nanawagan karon ang Armed Forces of the Philippines (AFP) sa mga ginikanan nga bantayan ang ilang mga anak nga dili moapil sa mga rally o lihuk protesta nga ang tumong mao ang pag-alkontra sa gobyerno.
Sumala ni 10th Infantry Division Philippine Army Information Officer Army Capt.Jerry Lamosao, katungod sa mga kabatan-onan ang pagsalmot sa mga rally isip pagpadayag sa ilang baruganan apan angay sayron una kung kinsa ang nangulo sa maong kalihukan, unsay tumong niini ug kun aduna bay pagtugot sa ilang ginikanan.
Gipasabot usab ni Lamosao sa mga organizer nga una gamiton ang kabataan sa mga lihuk protesta, kinahanglan adunay pagtugot sa ginikanan ug ipasabot kung unsay tumong ug dili gamitong rason ang mga aktibidad sa eskwelahan.
RadyoMaN Bernard Pantallon
