Davao City – Lauman sumala pa ang mga aftershocks human sa 6.6 magnitude nga linog nga natala sa Tulunan, North Cotabato alas-9:06 kaganinang buntag, subay sa anunsyo sa Philippine Volcanology and Seismology (PHIVOLCS).
Sa interbyu sa DXDC RMN Davao kang Kristofferson Vidad, Science Research Assistant sa PHIVOLCS-Davao, gibutyag niini nga mas mabati ang mga aftershocks sa Tulunan, Cotabato kung asa natala ang epicenter sa linog.
Segun ni Vidad adunay mga pagtay-og apan dili na sab ingon ana ka kusog ang mabati dinhi sa syudad sa Davao.
“Meron pong reported na in between na mga intensities pero ang epicenter ng lindol ay nasa Tulunan. So, hindi naman po lahat is felt po ito, kung baga nare-record po ng instrument. Hindi po lahat malalakas,” saysay ni Vidad.
Bisan pa man, subling nagpahimangno ang PHIVOLCS nga mamahimong kalmado ug dili magpanic panahon sa linog ug himuon ang duck, cover and hold aron malikay sa insidente panahon sa pagtay-og.
RadyoMaN Kirby Manzon
