Davao City – Electrical Arcing ang gitudlong hinungdan sa kapin duha (2) ka oras nga sunog sa Purok IKP ug San Jose, Brgy. Duterte, Davao City alas-3 sa hapon kagahapong adlawa (Marso 9, 2021).
Sa interbyu sa DXDC RMN Davao kang Supt. Alex Pamaybay, Davao City Fire Director, gibutyag niini nga nagsugod ang sunog sa balay ni Vanessa Diaz partikular sa kesame nga bahin sa balay niini rason nga mikatag kini og milamoy sa anaa sa 300 ka mga balay.
“Ang electrical arcing kanang nag-spark didto sa ibabaw sa iyang ceiling ang kuryente. Mao ‘to nga light materials man ang surrounding, mao ‘tong nakatag dayon immediately ang kalayo. Paspas kaayo kay kusog pud ang hangin,” butyag ni Pamaybay.
Muabot usab sa P3, 750, 000 ang damage sa sunog diin adunay portion sa ospital ug eskwelahan sa lugar ang nadamyos usab sa sunog.
Hinuon walay natalang casualty sa insidente, gawas sa na-rescue nga bedridden senior nga na-trap sulod sa duha ka oras sa area ug milagrong naluwas.
Nagpasalamat ang Bureau of Fire Protection (BFP) official sa kooperasyon sa tanang fire fighters/volunteers sa syudad sa Davao diin nagdeklara sila og city wide general alarm sa maong dakong sunog.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
