Davao City – Nanawagan karon ang mga residente sa Sto, Niño, Dalisay St., Brgy. Agdao , ning syudad og hinabang human nangaugdaw ang ilang panimalay sa miulbong sunog alas-3:40 sa hapon kagahapong adlawa.
Sa interbyu kang Brgy. Kagawad Felix Godoy, karong adlawa pa nila asikasohon ang tabang ngadto sa katawhan diin siya mismo biktima usab sa sunog.
Saysay ni Godoy nga nagduty siya niadtong tungora sa barangay hall atol sa paglamoy sa iyang panimalay sa sunog rason nga wala kini nasalbar nga gamit.
Butane, cellphone nga naka charge, ug nakatulog samtang nagaluto maong misilaob ang mantika ang pipila sa mga gidudahang rason sa sunog sa mga residente sa maong lugar.
Samtang nalakip usab sa nangaugdaw ang mga unit sa pisonet ni Chrisbert Godoy, anak ni Kaawagad, kinsa dakong namroblema.
Hinuon nakatunol na og inisyal nga tabang ang CSSDO sama sa pagkaon ug gamit pangtulog.
Sa inisyal nga imbestigasyon sa kabomberohan, nagsumikad ang sunog sa ikaduhang andana sa panimalay ni Ronald Caboverde ug daling mikuyanap sa kapin kun kulang napulo ka mga panimalay nga gama sa light materials.
Hinuon walay casualty sa maong insidente samtang padayon pang ginasuta ang rason ingon man ang kinatibuk-ang damyos niini.
Sa pagkakaron, temporaryong gipahiluna ang mga biktima sa barangay hall samtang ang uban anaa sa ilang kaparyentehan.
RadyoMaN Jason Amisola, RadyoMaN Don Pulayao
