Davao City – Nagpositibo sa COVID-19 ang usa sa mga vendors sa Agdao Public Market dinhi sa Davao City human gipailawom sa swab test.
Sa interview sa DXDC RMN Davao kang Pedro Arthur Junsay, Brgy. Agdao Proper Spokesperson, sa libuan ka mga vendors ug trabahante, usa na ang kumpirmadong COVID-19 positive samtang 28 usab ang gisuspetsahang nataptan sa virus human nagpositibo sa rapid test.
Una niini, 1,500 na ka mga vendors ang napailawom sa RDT sukad gisugdan ang rapid test niadtong May 25, 2020.
Nanawagan usab si Junsay ngadyo sa mga vendors nga wala pa nagpa-RDT nga kinahanglan gayud silang mopailawom sa maong testing.
“Mo-submit gyod sila sa ilang kaugalingon nga magpa rapid test kay mao ra na nga paagi nga mabaw-an or makontrola. Mura man god ang mindset sa mga tao nga hadlok i-pamalengke sa Agdao,duna naman gani discrimination nga nahitabo. So we are calling to all vendors nga nagatinda nga magpa Rapid Diagnostic Test gyod sila para pagbalik ug open sa palengke with their certificate,” segun ni Junsay.
RadyoMaN Don Pulayao
