Agdao shooting giimbestigahan

231

Davao City – Mas gipalapdan ang gilusad nga imbestigasyon sa kapolisan sa Sta. Ana kalabutan sa kamatayon sa duha ka lalaki human gipangpusil sa wala mailhing mga armado nahitabo alas-4:35 Martes sa hapon sa Aquino Coliseum Gallera Brgy. Aquino, Agdao siyudad sa Davao.

Ang napatay mao sila Jul Vincent Manzanares, 26 anyos, usa ka negosyante, taga Surigao City ug laing usa ka bodyguard nga si Police Staff Sergeant Kronish Alvaira, taga Purok Mainit, Nabunturan Comval Province.


Nasayran nga gikan nanabong ang mga biktima apan pag uli giatngan ug gipangrapido sa mga suspek nga nagsakay og pick up color gold.

Atol sa interbiyu sa RMN Davao kang Police Master Sergeant Adnan Ahadain, imbestigador sa Sta. Ana PNP, giingon niini nga nakigkoordinar na sila ngadto sa pamilya sa duha ka biktima aron kini mapaimbestigahan.

Matud ni Ahadain nga ilaha pang ginapaabot ang tagtungod sa mga biktima nga mopatim-aw sa presinto uno alang sa imbestigasyon kun unsay motibo sa nahitabong pagpamusil sa duha ka biktima.

Samtang ang patay’ng lawas sa duha ka biktima ang gidala na sa Angel Funeral Homes sa may dalang F. Torres ning dakbayan.

RadyoMaN Don Pulayao

Facebook Comments

From Advertisers