Davao City – Pamilyang Samson naglaum nga matagaan ug igong hustisya ang kamatayon sa ilang membro sa pamilya nga si Flanar Samson human napalgan nalang sa silingan niadtong adlaw’ng Lunes, April 1, sa buntag nga naligo na sa iyang kaugalingon dugo sulod sa iyang balay sa Belisario, Brgy. San Antonio, Agdao siyudad sa Davao.
Sa gihimong interview sa RMN Davao ngadto kang Cielito Samson, bana sa biktima, nga iyang gipaabot ang mensahe ngadto sa nagpatay sa iyang asawa nga iyang atubangon ang iyang nahimo nga krimen ug mutahan sa kaugalingon ngadto sa kapolisan.
Matud ni Samson nga iyang gipanawagan ang kapolisan nga manghinaut siya nga matagaan ug hinanaling hustisya ang nagpatay sa iyang asawa ug masikop dayon sa mga police.
Gidugang ni Samson nga dako ang iyang kakurat sanglit anaa pa sa kasub-anan siya na nuon gitumbok sa kapolisan nga prime suspek.
Giingon ni Samson nga nasayod ang Ginoo nga wala siyay sala nga nabuhat ug gani andam siya nga nisunod sa gipahimo sa awtoridad timaan nga wala siyay kalambigitan sa maong krimen.
Apan dako ang pagtuo ni Samson nga ang naghimo sa brutal nga pagpatay sa iyang asawa pinaagi sa pagtuok sa liog ug pagbunal sa ulo nga maoy hinungdan sa kamatayon.
Gituohan nga silingan ra usab ang nagbuhat nga si alyas Emie human misumbong ngadto asawa nga maoy responsable nga mipatay.
Sa pagkakaron gawasnon pa ang suspek subay sa imbestigasyon nga gilusad Sta. Ana PNP.
Samtang ang patay nga lawas sa biktima pagadalahon didto sa Marbel South Cotabato City ug wala pay petsa o adlaw kun kanus-a ilubong.
RadyoMaN Don Pulayao
