Nagapangayo sang pasaylo si Radin Gonzalez alyas Smile, ang agi nga suspek sa pagpatay sa 14 anyos nga bata nga lalaki sa Balasan, Iloilo.
Suno kay gonzalez , nakonsensya siya sa iya ginhimo sa biktima kag iya na ini ginahinulsulan.
Una diri, gintuad sang suspek nga iya ginsumbag ang bata, ginlumos sa tubig kag gindaskan sang kahoy sa alatrasan.
Gin-ako man sang suspek nga ginhimo man niya ang kasubong nga insidente sa 15 anyos nga bata sadtong 2005 kag madugay naman siya nga nagagamit sang illegal nga droga.
Sa karon preso na ang suspek sa lock up cell sang Balasan PNP kag magapangatubang sang nagakaigo nga kaso.(sspunay)
Facebook Comments
