BACOLOD CITY – Gin-reschedule sang CENECO ang ila nga Annual General Membership Assembly, AGMA halin sa June 30 to July 1.
Suno kay Roel Venus, Member-Consumers Integrated Services Division, CISD chief, of Ceneco, ang July 1 amo ang gin-aprubahan nga petsa sang National Electrification Admnistration (NEA) para sa pagpatigayon sang AGMA.
Indi naman maka-attend si NEA administrator Edgardo Masongsong sabaylo maga-attend sa iya si NEA Head Executive Assistant Atty. Vicar Loureen Lofranco.
Ang Annual General Membership Assemby ang patigayunon sa Taytung Gym sa Bacolod samtang ang iban nga distrito nga magapatigayon sini sa tagsa nila ka mga gym sa banwa sang Murcia, Don Salvador Benidecto, Bago City, Talisay City and Silay City.
Ginpahayag nga ang importante nga agenda sa AGMA amo ang pag-decide sang mga consumer-members kon ang CENECO ang magapabilin nga non-stock and non-profit cooperative sa idalum sang NEA, magparehistro sa Cooperative Development Authority (CDA) bilang isa ka stock and profit cooperative ukon magpa-rehistro sa Securities and Exchange Commission (SEC) bilang isa ka private corporation.
Nahibaluan nga ang Ceneco ang may consumer-members nga kapin sa 183 mil./dyHB BACOLOD
