BACOLOD CITY – Handa si Bacolod City Police Office, OIC City Police Director Police S/Supt. Francisco Ebreo nga magbiya sa iya pwesto sa tion nga ini ang mapanaugan sang relief order.
Ini ang sabat ni Ebreo matapos may nag-gwa nga impormasyon nga ini siya ang iga-relieve bangud sang pila ka insidente nga natabo sa idalum sang iya pagpungko.
Isa na diri ang kontrobersyal nga shootout kon diin natiruhan patay sang mga katapo sang SWAT ang duha ka hold-up suspek kag pagkasalabat sang isa ka sibilyan.
Suno kay Ebreo nga preparado siya ano man nga oras bangud nagapati ini nga sila sa police ang “come and go” gid lamang.
Angut sini, naga-gwa naman ang ngalan ni Police S/Supt. Leo Ewin Agpangan nga amo ang magabulos kay Ebreo.
Si Agpangan nakapungko naman sadto bilang OIC city police director sang Bacolod City Police Office./dyHB BACOLOD
