Agrabyadong PUJ driver nagpakitabang

22

Davao City – Nagpakitabang sa sibyahan sa DXDC RMN Davao ang usa ka Public Utility Jeepney kun PUJ driver human matud pa natanggal sa pagka driver nga gimanehoan niini tungod sa giawayang Pantawid pasada cash card tali operator sa jeep.

Sumala ni Donald Dian, 37 anyos, usa ka PUJ driver, 500 pesos lang matud pa ang gihatag sa operator ngadto kaniya inay 5,000 pesos hinungdan nga miundang kini og drive sa jeep nga iyang ginamanehoan.

Abli usab ang sibyahanan alang sa side sa operator sa jeep ug sutaon sa DXDC news team ang eksaktong impormasyon bahin sa tamang pag pang apod-apod sa subsidiya ngadto sa mga PUJ drivers.

Dugang niini, naguol usab ang maong driver diin matud pa wala kuno siyay benepisyo sama sa SSS sulod sa upat ka tuig sa iyang pagpanarbaho.

Sa pakighinabi kang Greta Quayle sa SSS Davao atol sa tulumanong Serbisyong Straight to the Point, mamahimong mag file og complaint ug mag fill up og sworn statement sa ilang opisina ang reklamante aron magukod ug ma-imbestigahan ang operator sa SSS.

Dugang ni Quayle nga og masuta nga wala nahulugan sa operators og kontribusyon ang mga drivers, isyuhan kini og billing sulod sa 4 ka tuig ug kung di mubayad posibleng adunay pagpasaka og kaso nga mahitabo.

RadyoMaN Renz Barbarona

Facebook Comments