Sa interbyu sa DXDC RMN Davao kang Police Col. Alberto Lupaz, DCPO City Director, makonsidera gihapong taas ang kaso sa lugos busa gimanduan niining ang tanang station commanders sa agresibo nga kampanya ug pagpatuman sa OPLAN KILOS (Kababainhan/Kalalakin-an/Kabatan-onan Igiya Laban sa PagpanglugOS) sa ilahang area of responsibility.
Sa tuig 2023, nanguna ang Calinan Police Station nga adunay 17 ka mga kasong na rekord, 15 ka kaso sa Sta Ana Police Station, Baliok ug San Pedro Police Station adunay 11 ka natalang mga rape incidents.
Kung ikumpara sa 2022 nga 178 ka mga rape cases nikunhod kini sa 2023.
Nakasuhan man ang mga perpatrators apan segun ni Lupaz dili lamang sa filing of cases mututok ang kapulisan apan sa pagpugong nga adunay mga mahitabong lugos ilabina mahitabo kini sa mga areas nga walay mga gabantay nga pulis.
Giawhag niini ang publiko nga dili magduha-duha sa pagsumbong gilayon sa kapulisan aron marespondehan dayon kini ug madakpan ang mga suspek.
RadyoMaN Aimee Guinita
