Agricultural trade sang Pilipinas sa una nga quarter sang tuig nagtaas sang 5.5%

Nagtaas sang 5.5% ang agricultural trade sang Pilipinas sa una nga quarter sang tuig.

Suno sa Philippine Statistics Authority ukon PSA, naglab-ot sa 4.2 billion Dollars ang kabug-usan nga agricultural trade sang pungsod humalin Enero tubtub Marso karon nga tuig.

Baliskad ini sa negative 89.5% nga decline sang ikaapat nga quarter sang 2020.

Samtang nagapati naman ang Department of Agriculture nga nagasalamin ini sa pagbangon sang Pilipinas gikan sa COVID-19 pandemic.