CAUAYAN CITY – INAASAHAN NG ILANG MGA CAUAYEÑO NA MARIRINIG SA STATE OF THE NATION ADDRESS (SONA) NI PANGULONG FERDINAND MARCOS JR. ANG MGA PROBLEMANG KINAKAHARAP NG BANSA.
AYON KAY JAY-AR, ISANG TRICYCLE DRIVER MULA BRGY. TURAYONG, UMAASA ITONG MATATALAKAY SA TALUMPATI NG PANGULO ANG PAGTAAS NG PRESYO NG MGA BILIHIN, MAGING SA PETROLYO.
PALIWANAG NITO, KUNG DATI MARAMI NANG NABIBILI ANG 500 PESOS, NGAYON DAHIL SA TAAS UMANO NG MGA BILIHIN HINDI NA ITO SUMASAPAT AT MINSA’Y NAGKUKULANG PA NA PAMBILI NG ULAM.
NABANGGIT RIN NITO NA KUNG MAAARI AY MAGKAROON PA NG MARAMING PABAHAY PROJECTS ANG GOBYERNO PARA SA MGA INFORMAL SETTLERS.
PARA NAMAN KAY GINOONG ROBERT, ISA RING TRICYCLE DRIVER, ISA NAMAN SA INAASAHAN NITONG MABIBIGYANG-PANSIN SA SONA AY ANG SEKTOR NG AGRIKULTURA.
ANIYA, MAS MAGANDA KUNG MAPAPABILIS ANG PROSESO NG PAGBILI NG MGA ANING PALAY NG MGA MAGSASAKA UPANG MAIWASAN DIN ANG POSIBLENG PAGKALUGI DAHIL SA PAGKASIRA NG KANILANG MGA PANANIM.
GAGANAPIN ANG SONA NG PANGULO SA IKA-28 NG HULYO SA SESSION HALL, BATASANG PAMBANSA COMPLEX, QUEZON CITY.
