Gin-appoint ni Mayor Joe Espinosa III si Punong Barangay Jerryl Aguilles sang Balantang, Jaro bilang manager sang Jaro agro-industrial fair 2019 kaupod si Punong Barangay Rey Bion sang Barangay Luna, Jaro.
Ginpaathag ni Espinosa nga prerogative niya bilang alkalde kon sin-o ang iya tugyanan nga magdumala sang okasyon kasubong sang Jaro agro-industrial fair.
Madumduman nga sa malawig nga tinuig, ang Association of Barangay Captains ukon ABC –Jaro amo ang nagadumala sang Jaro agro-industrial fair kada tuig .
Apang sa karon, gintugyan ni Mayor espinosa ang pagdumala sini sa duha gid lamang ka barangay kapitan.
Ang appointment nanday Aguilles kag Bion nasaad sa ginpaguwa ni Mayor Espinosa nga executive order number 1 series of 2019.
Facebook Comments
