Davao City – Gihimakak ni Police Major Elinar Agustin, chief of police sa Sta. Maria PNP nga adunay bulok politika ang pagpusil-patay sa duha ka magtiayong mag-uuma sa Brgy. San Antonio, Sta. Maria, Davao Occidental.
Ang mga biktima mao sila si Thelma ug Bobby Mangayao, hamtung ang mga pangidaron, nagpuyo sa nahisgutang lugar, kansang gipamusil sa mga armadong kalalakin-an sulod sa ilang panimalay alas-10:00 kagabie.
Sumala ni Agustin nga nakatutok ang ilang imbestigasyon sa land dispute nga gikalambigitan nga kaso sa mga biktima.
Matud ni Agustin nga malinawon ang politika sa lungsod sa Sta. Maria rason nga dili nila maduhig ang krimen sa nagsing-abot nga midterm election.
Apan adunay nahinabi ang DXDC RMN davao nga usa ka dili magpa ilang testigo nga ang biktimang si Bobby nangampanya nga dili butaran ang kandidato sa pagkonsehal sa maong lungsod nga kapareho niini og apelyido ug kapartido ni Mayor Rody Mariscal.
Nasayran nga human sa krimen yano ra usab nga nanakay sa duha ka pick-up ang mga armadong kalalakin-an human ang pagpamusil.
RadyoMaN Erin Lumosbog
