Davao City – Gikumpirma ni Davao City Mayor Sara Duterte-Carpio nga aduna nay mga airline passengers, ang naharang sa land checkpoints sa syudad sa Davao human kini niagi sa laing airport ug nag by land travel padulong sa Davao City.
Kini posibleng tungod sa rekisitos ginapangayo pag-abot sa Davao International Airport nga kinahanglang magbaton ang usa ka airline passenger og negative RT-PCR result o kaha naghulat sa resulta niini human nga i-test sa Davao airport.
Gibutyag sa Alkalde adunay duha ka tao niadtong Martes (July 21, 2020) ang naharang sa checkpoint samtang usa ka grupo usab niadtong Miyerkules (July 22, 2020) diin gi-hold ang nahisgutan sa swabbing facility sama sa ginahimo sa mga airplane passengers.
Tungod niini, nakigsabot ang LGU-Davao sa LGU-General Santos City nga ipahibalo gilayon sa Davao kung adunay mga pasaherong padulong sa Davao City.
“Duna tay unofficial agreement didto sa GenSan nga kung duna silay ma-come across nga passenger nga niabot sa ilaha bound for Davao City to flag us, ang Davao City LGU nga ‘dunay pasahero didto,” saysay sa alkalde.
RadyoMaN Kirby Manzon
