Mas ginpahalawig han Air Juan Aviation, Inc. an ira operasyon ha Eastern
Visayas agud makonekta an rehiyon ha mga popular nga mga destinasyon ha
Luzon ngan Visayas pinaagi han ira nine-seater cessna grand caravan nga
eroplano nga nakakalanding ha mga hagligot nga runway.
Dida han nakalabay nga sabado in ginlunsar na han Air Juan an ira
Cebu-Catbalogan flights ngan Cebu-Ormoc dida han dominggo.
Plano naman han Ai Juan nga mag abri gihapon hin ruta tikang ha
Cebu-Borongan Eastern Samar, Legaspi City ha Albay -Ormoc City,
Masbate-Ormoc, ngan Panglao Bohol-Maasin city.
Samtang dida han nakalabay nga tuig nauna na nga ginlunsar han Air Juan an
ira flights nga Cebu-Maasin ngan Naval, Biliran ngan Tagbilaran
Bohol-Maasin.
Facebook Comments
