Ya Cundusi el aka kwatro iBINGO OKE sa Barangay del 96.3 iFM Zamboanga na San Jose Gusu Elementary School Barangay San Jose Gusu, Ondel uno el sale Campion na singco partisipante de Videoke Challenge y ya Resibi Un Mil de pesos, ya risibi tambien Dos Cientos pesos kada uno el kwatro Non-winner del Videoke Challenge.
Uno el ya sale ganao na primer Patern del Bingo ondel ya risibi Quinientos pesos ganadores, uno tambien ya sale ganao na Segundo patern ondel Electric Fan el premyo, alegre tambien el ya bolbe el quen ya gana na aka tres Patern ondel Rice Cooker el premyo, Dos tambien el ya sale ganao na ultimo Patern ondel ya man medya el maga ganadores con el Un Mil Quinientos Pesos Premyo.
Ta rindi miles de gracias el maga residente del mencionao Barangay por el Alegria que ya liba el 96.3 iFM Zamboanga hunto con el MR Capsule, MR 6 in 1 Coffee y CityMall Tetuan.
Esperansao ay Condusi pa el mencionao stasyon semehante actibidad na maga sercanos barangay na dia que biene.
