Aklan gina kabig gihapon nga ‘billionaire province’

119

Makabig gihapon nga ‘billionaire province’ ro probinsya it Aklan dahil sa mabahoe nga gina kita kara bangod man sa isla it Boracay.
Sa pakikipag-angot it RMN-DYKR Kalibo kay Suzette Pioquid, Provincial Treasurer it probinsya, ro Aklan hay bilyonaryo makaron kon ro paga istoryahan hay ro kabilugan nga income it probinsya o ro gina tawag nga General Fund.
Suno kay Pioquid, may gin kita nga P 281, 297, 976. 53 ro probinsya ko nagtaliwan nga dag-on halin sa tool, terminal ag environmental fee ag pati eon do advertising rentals sa Jetty Port.
Daya nga income hay haagto sa province ag eain man do ana it LGU Malay, Caticlan ag Manoc-Manoc mag-eowas kara may una pa nga income ro Aklan nga bukon it kita it Boracay.
Gin klaro man ni Pioquid nga sa 100% tool ag terminal fee nga gina kita sa Boracay, 85% hay naaagto sa probinsya, 12.5% sa LGU Malay ag 2.5% sa Caticlan ag Manoc-Manoc.
Samtang sa 100% nga kita sa environmental fee, 85% hay ga agto sa probinsya ag 15% sa LGU Malay.
Ro rayang kita hay gina gamit sa pasweldo, maintenance it tatlong ospital ag gina share sa Port Authority kaibahan eon do sa Corazon Cabagnot Tourism and Training Center ag iba pang proyekto nga sa idaeom it Economic Enterprise.

Facebook Comments