“Ako ang Mayor sang Lambunao”- ini ang pahayag ni Lambunao Mayor Jason Gonzales kasunod sang naggwa nga desisyun sa Comelec 1st Division sa pagkansela sang iya kandidatura bilang alkalde sang banwa sa isyu sang iya residency sang nakaligad nga Eleksyon.
Ginkasubo sang alkalde ang desisyun sang Comelec apang ginpahayag sini nga indi pa ini final and executory.
Suno pa kay Gonzales nga naka-file na sila sang Motion for Reconsideration kag nagapati ini nga mapag-on ang ila depensa batok sa reklamo sa iya nga ginpasaka ni anay Lambunao Mayor Vicente “Bugok” Ramirez.
Nagapangabay man ini sa mga taga-Lambunao nga indi mag-panic sa baylo buligan siya sa pagpangamuyo sa gina-atubang sini nga pagpanghangkat.
Facebook Comments
