Roxas City, Capiz – Ginbawian sang kabuhi ang isa ka kolektor samtang padayun nga ginabulong sa ospital ang backrider sini matapos nagbunggo ang ila ginasakyan nga motorsiklo sa poste sang Capelco sa Brgy. Balijuagan, syudad sang Roxas.
Ginkilala ang mga biktima nga sanday Joey dela Cruz, 29-anyos sang Brgy. Poblacion Norte, Ivisan, Capiz kag Stephen Borro, 19-anyos ang edad. Nagbunggo sa poste ang ulo ni dela Cruz nga amo naman ang gintunaan sang iya kamatayon samtang padayun nga ginabulong sa ospital si Borro matapos nag-angkon sang mga pilas sa nagkatuhay nga bahin sang iya lawas.
Padulong sa Barangay Cudian, Ivisan ang mga biktima sang nagluntad ang aksidente. Nagresponde ang Capiz Emergency Response Team (CERT) kag gilayon nga gindala sa ospital ang mga biktima, apang ginbawian sang kabuhi si dela Cruz samtang ginabulong sa ospital.
*(Photo from web)*
