Manila, Philippines – Sugatan ang driver ng SUV nang bumaliktad ito sa Northbound lane ng Roxas Blvd. sa Ermita Maynila bago mag-alas kwatro ng madaling araw.
Nabangga ng SUV ang kongkretong Center Island sa lugar at sa lakas ng impact ay bumaliktad.
Tumilapon naman ang mga tipak ng bato sa Southbound lane kung saan yuping-yupi ang harapang bahagi ng Subaru Forester, basag din ang mga salamin maging ang windshield.
Gumana naman ang airbag at agad na naisugod sa ospital ang hindi pa nakikilalang driver.
Tingin ng mga rumespondeng pulis at rescuer, mabilis ang takbo ng SUV dahil sa laki ng pinsala na naidulot nito sa Center Island.
Kinailangan ding lagyan ng kusot ang mga tumagas na langis sa kalsada .
Pasado alas-kwatro kwarenta na ng mahatak ang SUV.
