Panay, Capiz- Patay ang isa ka persona samtang tatlo ang padayon nga ginabulong matapos nga nagbunggo ang ginasakyan sang mga ini nga motorsiklo sa stock pile sa kilid sang dalan sa Tanza Norte banwa sang Panay.
Gindeklarar nga dead on arrival sa ospital ang driver sang motor nga ginkilala kay Jed Desalet, 18-anyos sang Brgy Libas Roxas City.
Base sa imbestigasyon, ginasubay sang mga biktima ang dalan pauli sang mag-overtake sa kasunod nga salakyan apang wala makontrol sang driver ang manibela rason nga nabunggo sa tinumpok nga balas.
Sa subong padayon pa nga ginabulong sa ospital ang mga kaupdanan sini nga amo sanday John Mark Vista y Dillera; Ramil Cabalquinto y Selvilla kag Alcil Manlangit sang Brgy Bato Roxas City matapos nga lunsay gin-apok sang magbaliskad ang motor nga ginasakyan.
