Pontevedra, Capiz – Wala gid matabangan ang isa ka persona matapos nga ini ang nabungguan sang van alas 9:45 sang gab-e sa Brgy. Intongcan banwa sang Pontevedra.
Gindeklarar nga dead on arrival sang gindangat sa osiptal ang biktima nga ginkilala kay EDGAR DEQUINO Y FUENTES, 35-anyos isa ka ice buko vendor kag tumandok sang nasambitan nga lugar.
Boluntaryo naman nga nagsurrender ang driver sang van nga ginkilala kay RICHMOND DURANA Y BACAMANTE, 41-anyos sang Brgy. Binuntucan, Pontevedra. Base sa imbestigasyon sang mga kapulisan, ginasubay sang suspek ang dalan halin sa Iloilo padulong sa banwa sang President Roxas.
Pag-abot sa nasambitan nga lugar, nag-overtake ini sa kasunod nga salakyan. Hinali nga nagtabok ang biktima rason nga ini ang nabungguan sang suspek.
