Patay ang amay kag apat ka mga kabataan matapos ang aksidente sa dalanon sa Townsend, Delaware, Biyernes, adlaw sa Amerika.
Naka luwas naman si Mary Rose Ballocanag Trinidad, 53 anyos, ang asawa kag iloy sang mga nagkalamatay nga nagapabilin subong sa ospital.
Suno sa report, nagapungko si Mary Rose sa front passenger seat sang 1998 Toyota Sienna.
Ginkilala ang mga napatay nga sanday Audie Trinidad, 61 anyos, Kaitlyn, 20, Danna, 17, kag ang kapid nga sanday Allison kag Melissa, 13 anyos.
Nag gwa sa imbistigasyon sang Delaware police nga nag cross – over ang pickup up truck kag nag side swipe sang isa ka salakyan kag dumiretso nga nagbunggo saToyota Sienna minivan nga gina sakyan sang pamilya . Sa mabaskog nga impact, nag arado gid ang minivan sa truck kag nahulog sa highway.
Padayun pa ang imbistigasyon sang kapulisan kon ngaa nag cross over ang truck sa north bound lane. Nakaangkon sang minor injuries ang 44 anyos nga driver sang truck nga taga Maryland.
Nagpalab-ot naman sang mensahe ang Filipino American Society of Teaneck paagi sa ila facebook account.
“The Lord took too many angels from us yesterday.”
via FoxNews
