Manila, Philippines – Sugatan ang isang pulis matapos na aksidenteng bumagga sa isang nakaparadang truck ang kanyang sinasakyang motorsiklo sa kahabaan ng A. Mabini Street Maynila Pasado alas-10:00 kagabi.
Nakilala ng biktima na si PO1 John Lester Magno, nakatalaga sa Manila Traffic Bureau.
Lumalabas sa imbestigasyon na nanggaling sa isang Christmas party ang pulis at papauwi na ng maaksidente.
Agad na naisugod sa ospital si Magno ng mga rumispondeng pulis na nakatalaga malapit sa lugar ng insidente.
Nagpapatuloy pa ang imbestigasyon kung nakainom ng alak ang nasabing pulis.
Facebook Comments
