Aksidente sa Bonifacio Misamis Occidental tulo patay, taga Pagadian ug Pitogo apil sa nakabsan

126

Bonifacio, Misamis Occidental – Dead on the spot ang taga syudad sa Pagadian samtang patay nang nidangat sa ospital ang laing duha ka pasahero sa Toyota Hi-ace van human sa nahitabong disgrasya alas 11:55 kagahapon sa buntag sa National Highway sa Sitio Dupol, Barangay Bagumbang, Bonifacio, Misamis Occidental.
Sa inisyal nga imbestigasyon nasayran nga samtang nagdagan ang Jinah Heavy Truck, color orange, nga nagtangag sa plaka numero NBT-2519nga rehistrado sa pangalan ni Dominique Lim, taga-Don Anselmo, Bernad Avenue, Ozamiz City nga gimaneho ni Erick Conja, residente sa cotta, Ozamiz City gikan ang maong sakyanan sa syudad sa Ozamis paingon sa lungsod sa Bonifacio dihang nisulay kini pag-overtake sa gisundan nga motorsiklo aksidente nga gikasugat niini ang Toyota Hi-ace van nga gikan sa Pagadian city diin dunay sakay nga 18 ka pasehero.
Wala na makakontrol ang driver sa van nga si Cris Brillo, 33-anyos, taga-Barangay Aguada, Ozamiz City hinungdan nga ang Hi-ace van natikalbong og nahagbong sa kilid sa kalsada patay diha-diha ang pasahero nga si Gerlie Abing taga-Pagadian City samtang dead on arrival sa ospital si Marlon Murcilla Benitez, 26-anyos, teller sa Palawan Pawnshop ug residente sa Brgy, Lower Pingkian, Pitogo Zamboanga del Norte ug Daylinda Lapinig, taga- Brgy. Kulisap, Payao, Zambo Sibugay.
Laing unom ka pasahero ang anaa karon sa ospital nga sila si Theresa Lasaca, Mark Cesar Borja, Rhiana Marie Ebcay, Danilo Balumaaga, Fredo Villamor, ug Parami Ebcay.
Ang mga driver karon anaa sa kustodiya sa Bonifacio MPS.

Facebook Comments