AKSIDENTE SA DALAN | Isa patay kag isa ang pilason matapos bumunggo ang motorsiklo sa stockpile sang ginakay-o nga karsada

Roxas City – Isa ang patay kag isa man ang pilason matapos bumunggo ang motorsiklo nga ginasakyan sang mga biktima sa stockpile sang ginakay-o nga karsada sa Barangay Punta Tabuc, Roxas City.
Ginbawian sang kabuhi ang backrider nga ginkilala kay Felizardo Ariquez, 18 anyos samtang pilason ang driver nga si Jonathan Lariban, 23 anyos kag lunsay residente sang Barangay Dinginan, Roxas City.
Ba-se sa inisyal nga imbestigasyon, nagikan ang duha sa isa ka bilasyunan kag mapadulong kun ta ni sa city proper.
Apang pag-abot sa ginluntaran sang insidente, bumunggo sa ginakay-o nga karsada ang ila ginasakyan nga motorsiklo kag lumampos sa semento ang ulo sang napatay nga backrider.
Gindala pa sa ospital ang mga biktima apang gindeklara nga dead on arrival si Ariquez.

Facebook Comments