AKSIDENTE SA DALANON | Duha patay samtang duha man pilason, sa bunggoanay sang motorsiklo kag traysikol sa banwa sang Panit-an!

Panit-an, Capiz- Patay ang duha ka persona samtang duha man ang pilason sa bunggoanay sang motorsiklo kag traysikol sa Brgy. Conciencia banwa sang Panit-an alas singko sang hapon.

Gindeklarar nga dead-on-arrival sang gindangat sa Bailan District Hospital ang driver sang nakabunggo nga motor nga si Reymar Jocson y Bolaquiña, 20-anyos sang Brgy. Milibili, Roxas City.

Wala man matabangan sang gindala sa Capiz Doctors Hospital ang driver sang traysikol nga si JayR Aletre y Degracia sang Brgy. Conciencia, Panit-an samtang pilason ang mga pasahero sini nga mag-amay nga sanday Janito Desales y Depol kag anay sini nga si “James”, pito ka tuig ang pang-edaron.


Suno sa inisyal nga imbestigasyon sang mga kapulisan sang Panit-an, halin sa Bailan pauli na sa Milibili si Jocson sang nabunggoan sini ang gulpi liko nga traysikol kabangdanan sang amo nga insidente.
Suno sa pila ka mga nakasaksi, tuman ka dasig ang padalagan sang motorsiklo ni Jocson kabangdanan nga wala sini gilayon makontrol ang manibela kag nabunggo sa traysikol nga ginasakyan nanday Aletre kun sa diin nakasakay ang mag-amay.

Facebook Comments