Panit-an, Capiz- Isa ang seryoso nga pilason matapos ang bunggoanay sang van kag motorsiklo sa Brgy. Agkilo sa banwa sang Panit-an alas 4:50 sang hapon.
Padayon nga ginabulong sa isa ka ospital sa syudad sang Iloilo ang biktima nga si Jay Cainday nga aksidente nga nadalahig lamang matapos nga nabunggoan sang van nga ginamaneho sang persona nga nagahingalan kay Jhon Eric Sayson y Ortiz sang Iloilo.
Base sa imbestigasyon sang kapulisan sang Panit-an, nag-overtake si Sayson sa motorsiklo nga ginamaneho nanday Joemar Dorado kag Yolando Francisco sang Brgy. Tincupon, Panit-an sang natabo ang aksidente.
Bilang resulta, nag-angkon man sang mga kapilasan kag gasgas sa lawas ang duha nga nagasakay sa motor.
Yara na subong sa kostudiya sang Panit-an PNP ang van kag ang motorsiklo samtang padayon ang imbestigasyon sang mga kapulisan.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
