AKSIDENTE SA DALANON | Motorsiklo nabunggo sa railing sang karsada, isa patay samtang driver, kritikal

557

Panit-an- Patay ang isa ka babaye samtang kritikal ang driver sang motorsiklo nga si Rex Corros sang Brgy. Dinginan, Roxas City matapos nga nagbaliskad ang ginasakyan sang mga ini nga motor sa Brgy. Poblacion, Panit-an alas 2:50 kaina sang aga.

Patal nga pilas sa ulo ang naangkon sang biktima nga si Georgette Talabucon sang Brgy. Lawaan rason sang gilayon sini nga kamatayon.

Suno sa imbestigador sang Panit-an PNP, ginasubay sang mga biktima ang dalan apang bangud nga madulom, ang mga ini ang naglapaw sa linya sang karsada.

Ginapahayag nga naka-inom ang mga biktima.
Nahibaluan nga bangod sa kabaskugon sang pagkabunggo, naglusot pa sa railing ang motorsiklo nga ginasakyan sang mga biktima.

photo ©-Maichael Ed Agana

Facebook Comments