Dumalinao, Zamboanga del Sur – Usa ang patay ug kapin 30 ang samaran sa nahitabo nga aksidente sa National Highway sa Purok Bolinao, Barangay Pantad, Dumalinao, Zambaonga Del Sur alas 3:30 kagahapon sa hapon.
Sa insiyal nga imbestigasyon samtang nagdagan ang Isuzu Elf nga nagtangag sa plaka numero TDC 971, color mint green sakay ang kapin 30 ka indibidwal dihang nagsaulog sa birthday celebration sa Pantad Beach Dumalinao apan dihang pauli na unta ang sakyanan na-aksidente kini dihang wala makasulod ang kambyada sa driver nga si Jerry Besade Omapas.
Wala na macontrol sa 43 anyos nga driver og ni-atras ang sakyanan rason nga nahulog kini sa pang-pang.
Ang tanang pasahero gidala sa Zamboanga del Sur Medical Center alang sa medikasyon apan patay nang nahidangat sa ospital ang biktima nga si Melardo Bertodaso.
