Nalandig tambalanan ang duha ka mga biktima sa traffic accident dinhi sa dakbayan sa Iligan human kini maka angkon ug kadaot sa pipila ka parte sa lawas niini human sa pagbangga sa usa ka bisekleta ug taxi sa may crossing sa canaway ala una kapin kun kulang ang takna sa kadlawon kagahapong adlawa.
Ang pedestrian naila sa pangalang Chady Magsayo 29 anyos taga Purok Ilang-Ilang sakop sa Barangay Villaverde.
Sumala pa, nga samtang nagbaklay ang maong biktima, nabangga-an kini sa usa ka biseklata nga gimaneho ni Vincent Ravena, 27 anyos nga taga Zone Neptune Barangay Suarez ning dakbayan sa Iligan kinsa nabangga-an usab sa usa ka taxi.
Naka angkon ug minor nga samad sa kalawasan ang maong biktimanga dali usab gitambalan sa City Hospital ug nakapa uli ra usab sa ilang panimalay.
Samtang nalandig usab sa balay tambalanan ang usa ka motorista ug mga angkas niini human nga nabangga-an niini ang usa ka kanding nga gitugway sa daplin sa dalan sa may del Carmen ning syudad sa Iligan alas 10 kapin kun kulang ang takna sa kagabhion..
Ang mga biktima nailang si Reymart Abadies, 24 anyos ug angkas niini nga si Remisad Abadies, 20 anyos ug laing kauban niini nga pulos taga Barangay del Crmen nga naka angkon ug pangos ug bun-og sa kalawasan.
Samtang pangos ug bun-og sa kalawasan ang na angkon sa estudyante human kini miambak sa sakyanan sa may Canaway sakop ning dakbayan sa Iligan alas 5:30 ang takna sa hapon kagahapong adlawa.
Hinuon luwas na sa makuyaw nga kahimtang ang biktima.
