Panay, Capiz- Patay ang isa ka mangingisda matapos nga nagbunggoanay ang ginasakyan sang mga ini nga motorized banca alas 5:30 sang hapon sa Panay River sa Brgy. Linateran, Panay Capiz.
Ginkilala ang biktima kay Jethro Villadar y Rubin, 42-anyos sang nasambitan nga lugar.
Base sa imbestigasyon sang mga kapulisan, wala makontrol sang suspek nga si Eleuterio Berano y Baga-as, 42-anyos ang motorized banca sang nagapaliko sa kurbadahon nga porsyon sang suba rason nga nabunggoan gid ang biktima kag nahulog sa tubig.
Gindangat pa sa Centrum Hospital sa Brgy. Banica ang biktima apang ini ang gindeklarar nga dead-on-arrival sang doktor.
Sa pagpakig-angut sa Panay PNP, gin-release na ang suspek nga si Eleuterio Berano y Baga-as, 42-anyos sang nasambitan nga lugar matapos nga nag-lapse ang oras sa pag-detain sa iya.
*(web photo)*
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
