Jamindan, Capiz – Ginbawian sang kabuhi ang isa ka senior citizen matapos mabungguan sang motorsiklo nga ginamaneho sang isa ka katapo sang Philippine Army sa Sitio Burwang, Barangay Linambasan, Jamindan, Capiz.
Ginkilala ang biktima kay Wilfredo Vadilo, 76-anyos, residente sang nasambit man nga lugar. samtang ang driver sang motorsiklo, ginkilala kay Sgt. Joebal Cadurnigara, 39 anyos, sang Barangay Omambong, Leon, Iloilo.
Nagluntad ang insidente samtang ginasubay ni Cadurnigara ang nasambit nga lugar sakay sa iya nga motorsiklo, gulpi lamang nagtabok ang biktima rasun nga nabungguan ini. Nag-angkon sang mga samad sa lawas ang nasambit nga biktima.
Gindala pa sa ospital sang 3rd Infantry Division sa Camp Peralta ang biktima apang wala na matabangan kag gindeklarar nga dead-on-arrival. Sa subong yara na nakahunong sa lock up cell sang Jamindan Municipal Police Station ang driver sang motor nga isa ka miyembro sang Philippine Army kag assign sa Camp Macario Peralta.
*(Photo from web)*
