Nasa 109 na ang aktibong kaso ngayon ng COVID-19 sa Navotas.
Sabi ni Mayor Toby Tiangco, mas mataas ito kumpara sa 41 active cases na naitala noong June 25.
Ngayong araw ay 16 ang nadagdag na nahawaan ng virus habang lima naman ang gumaling.
Dahil dito ay hinigpitan ang pagpasok sa Navotas ng mga byahero mula sa mga lugar sa labas ng National Capital Region o NCR Plus.
Paliwanag ni Tiangco, ito ay para mapigilan na higit pang lumala ang kaso ng COVID-19 cases sa lungsod.
Diin ni Tiangco, mas maigi na ang nag-iingat lalo’t nananatili ang banta ng mas nakakahawang Delta variant ng COVID-19.
Facebook Comments
