Sikop sa mga sakop sa PDEA atol sa ilang gihimong drug buybust operation ang usa ka aktibong miyembro sa Philippine Army.
Nakunpiskar sa suspect ang balor sa 20 gramos sa gituho-ang shabu nga mokantidad ug 136 thousand pesos.
Matud ni PDEA Assistant Provincial Officer Neil Pabilona, taud-taud na nilang gimonitor ang suspect kun asa gapamaligya kini sa gituho-ang shabu.
Giila ang suspect nga si PFC Mcrome Lozada ug nasikop kini sulod sa usa ka lodging house dinhi sa syudad.
Kasamtangang gidala karon sa rehiyonal nga buhatan sa PDEA ang suspect alang sa dugang imbestigasyon nga iyang atubangon.
Depensa sa suspect, wala siyay kalabot sa druga nga nakuha gikan kaniya.
Samtang gipaklaro sa Philippine Army nga dili nila e-tolerate ang si bisan kinsa man nga sakop nila nga nalambigit sa susamang binuhatan.
