Labangan, Zamboanga del Sur -Patay nang nidangat sa ospital ang usa ka sundalong babaye ug angkas niini human sa na-aksidente kaganihang buntag sa National Highway nga sakop sa Barangay Lantian, Labangan Zamboanga del Sur.
Giila ang namatay nga biktimang sila si Pvt. Elmea Joy Indangan, aktibong sakop sa armadong kusog sa Nasod nga nadestino sa 54th Engineer Brigade ug Niezel Mea Zacares Indangan, pulos residente sa Brgy. Napulan, Josefina ning probinsya.
Sa imbestigasyon nasayran alas 6:30 kaganihang buntag samtang gimaniho sa ni Pvt. Indangan ang Honda XRM 125 nga nagtangag sa temporaryo nga plaka numero 090110 byahe gikan sa Pulacan, aksidente nga nawad-an og kontrol ug nibangga sa kasugat nga pampaseroang Rural Bus nga nagdagan paingon sa dakbayan sa Pagadian nga may Body Number 9742 nga gimaneho ni Julius Calimpong 38-anyos residente sa Brgy. Valencia, Dumingag.
Gumikan sa kakusog sa impak nabagnos sa kalsada ang mga biktima ug nakahigom sa grabeng samad ug bun-og sa lawas.
Gidala pa sa ospital ang mga sakay sa motorsiklo nga apan gideklara sa nag-atiman nga si Dr. Felipe Son nga dead on arrival.
Gikustodiya sa Labangan Municipal Police Station ang driver sa rural bus ug gi-andam na ang kaso nga isang-at batok kaniya.
