Atol sa Buloy Suicide Prevention Forum nga gihimo sa Holy Cross of Davao College kagahapong adlawa, September 29, 2023, gituki sa usa ka psychologist nga si Klent Rodni Delima nga mokabat sa 4,600 ka kinabuhi ang makalas sulod lang sa usa ka tuig tungod sa maong kaso.
Ang usa sa mga rason nganong mas daghang batan-on, ang nalambigit niini tungod sa ideyang ‘copycat suicide’ kun pagsundog sa mga idolong artista, social media personalities o higala kinsa nakita nilang naghunos sa kaugalingong kinabuhi. Sagad mga batan-on ang dali lang musunod sa ‘trend’ nga makita sa internet o kung unsa’y uso, musundog dayon ilabi na kung nakita nila nga mao kini paagi sa pagsulbad sa ilang problema.
Pahinumdum ni Delima, gamiton sa maayong paagi ang social media, kay bisan og makatabang kini sa pagpakusog sa kampanya kontra mental health crisis, makahatag usab kini og kontribusyon sa stress, anxiety ug depression kung ugaling dili madumala og maayo.
RadyoMaN Ivy Parido
