Davao City – Giadtuan sa RMN Davao ang Public Safety and Security Command Center aron mapaabot ang panawagan sa inahan sa lalaki kinsa na hit and run patay dinhi sa dakbayan sa Davao niadtong Martes sa gabie.
Sa pagsusi sa atong team gipakita kanato ang cctv footage gikan sa camera nga nakamuntar duol sa insidente apan wala nakuhaan ang aktong pagkaligis sa biktima.
Gisaysay ni DCPO Traffic Group Investigator PO1 Kim Zamora nga gilantaw pa nila ang lain pang mga cctv cameras nga anaa sa may Shrine Hills Matina, Department of the Interior and Local Government XI, Doña Luisa Village sa Quimpo Blvd. Talomo, Davao City.
Nanawagan karon si Zamora sa duha ka mga lalaking nakamotor nga maoy niasoy sa insidente nga muduol sa Traffic Group aron muhatag og pamahayag kalabot sa natigayong road accident kay posibleng sila maoy makatabang aron matudlo ang driver nga nakadisgrasya sa biktima nga si Jolan Olea, ulitawo, 31 anyos nga Bugac Ma-a, Davao City.
Sa pikas bahin andam si PSSCC head Benito de Leon nga muasister sa kapulisan kung unsa may mga gikinahanglang mga cctv footages nga ilang i-request nga makatabang aron matudlo ang drayber nga responsable sa krimen.
Kaganihang buntag nidangop sa istasyon sa Rmn Davao ang inahan nga si Lorita Olea, 54 anyos, balot vendor aron manawagan sa driver nga nakadisgrasya sa iyang anak nga mopatim-aw.
Walay plano nga mopasaka og kaso ang inahan ngadto sa suspek nga nakabangga apan buot niini nga mangayo kini’g kapasayluan sa ilang pamilya.
RadyoMaN Aimee Guinita
