Akusado sa kasong Frustrated Homicide, arestado

18

Batan, Aklan — Arestado rong sangka akusado sa kasong frustrated homicide kahapon it agahon sa Brgy. Camanci, Batan, Aklan.

Nakilaea rong akusado kay Arnaldo Martin y Torres, 35-anyos ag residente it nasambit nga barangay.

Suno kay SPO1 Jose Patron it Batan PNP nga ginpatigayon rong pag-aresto sa kay Martin ko mga katapo it APPO Tracker Team, CIDG-Aklan ag Batan PNP pinaagi man sa bisa kung warrant of arrest nga may Criminal Case No. 11017 sa kasong Frustrated Homicide nga gin issue ni Hon. Judge Nelson Bartolome it RTC 6, Branch 8.

Nasayuran nga may ap-at eon nga dag-on rong nagtaliwan tag matabo rong insidente kung sa siin gin kasuhan rong akusado, nag-apela raya sa korte ag naperde eoman rason nga gin aresto.

Si Martin hay insigida man nga gin turn over sa korteng natungdan kahapon.

Facebook Comments