Pagadian City – Himas sa rehas human gipaslak sa selda sa Pagadian City Police Station ang 26 anyos nga lalaki nga nag-atubang sa kasong pagpanglugos dihang nadakpan sa gilusad nga manhunt operation didtong dapita sa Purok Masanagon, Brgy. San Pedro ning syudad alas 2:30 kagahapon sa hapon.
Armado ang kapulisan sa warrant of arrest nga nilusob sa lugar nga maoy gipunduhan sa suspek nga nailang si Melven Berjame Ambet, residente sa Purok Bangus, Brgy. White Beach ning dakbayan.
Wala na makapalag ang target dihang gipakitaan sa Warrat of Arrest sa kasong paglapas sa Akta Republika 7610 o ” Protection against child abuse, exploitation at discrimination” nga gipirmahan ni Judge Peter Eisme sa Regional Trial Court, 9th Judicial Region, Branch 15, Zamboanga City.
Mobalor sa P200 mil ang girekomenda nga pyansa sa korte bugti sa temporaryong kagawasan sa dinakpan.
