Davao City – Nagpakitabang sa San Pedro PNP ang usa ka babaye nga si Twila Mae Timtim, 36 anyos, residente sa dalang Bonifacio Brgy. 3-A ning siyudad sa Davao, gumikan gisaka ang ilang balay sa usa ka wala mailhing kawatan.
Matud pa nga mga bandang alas 3:00 sa kadlawon kagahapong adlawa samtang anaa sa hinanok nga pagkatulog, nakabantay siya nga dunay mga kasikas sa iyang kwarto.
Sa nakabantay kini, nagto-o ang complainant nga iyang ig-agaw ang nisulod sa kwarto ug gisampit ang pangalan niini apan wala kini mitubag rason nga nakuyawan ang maong babaye dayon gi-spatan sa kawatan ang mata sa biktima aron dili kini mailhan.
Daling midagan ang suspek pagawas sa ilang balay apan nahadlok ang biktima nga mogukod niini basin unya og dunay dalang armas ug mamahimo nga pang hulga sa iyang kinabuhi.
Sa paglantaw sa mga gamit ni Twil, nawala na ang usa ka set nga South Pearl ug upat ka set nga aritos mokantidad og P40,000, ug kwintas nga bulawan kantidad P10,000.
Wala nay nahimo ang complainant kundili ang ipatala sa buhatan sa kapolisan ang maong insidente.
Kapolisan naghimo na og follow-up investigation sa mga posibleng naka testigo kay matud pa duna kuno duha ka tawo nga migawas gikan sa compound sa panimalay sa biktima ug ginasuta pa kun duna bay mga anggulo sa mga CCTV footage nga posibleng mag lead ngadto sa mga suspek.
RadyoMaN Paul Canono
